أول من أكرم الضيف هو سيدنا إبراهيم و أول من أطعم الطعام هو سيدنا إبراهيم .. إحياء ملة سيدنا إبراهيم إطعام الطعام .. إطعام الطعام .. و الرسول ﷺ يوصي بإطعام الطعام .. ” أطعموا الطعام و أفشوا السلام وصلوا بالليل ، تدخلوا الجنة” هكذا قال ﷺ .. “أفشوا السلام” وخد بالك .. أفشوا السلام مش قال قولوا السلام أفشوا .. إيه معنى أفشوا ؟ أنشر السلام .. خلي اللى جنبك يحس بالسلام معاك , و خلي جارك يحس يالسلام معاك , و خلي رئيسك , وخلي مرؤسك , وخلي بيتك , وخلي مراتك , وخلي عيالك, يشعروا بالسلام منهم إليك و منك إليهم .. أفشوا.. أنشروا السلام .. مش قولوا السلام عليكم .. يقولي السلام عليكم وهو عايز يقطعني حتت شغل نصب ع ربنا وعلى الله ورسوله .
أفشوا السلام و إطعموا الطعام .. أول من أطعم الطعام كان سيدنا إبراهيم .. المهم قاله : تعالى أأكلك بس ليا شرط عندك قاله : إيه .. قاله : تؤمن بالله .. قاله : مين الله ده؟! قال : ربنا بتاعي انا .. رب السموات والأرض .. قاله : لأ ماقولش الكلام ده .. قال له : إذا ماكنتش هتؤمن أنا مش هعشيك .. قاله : لا عايزك ولا عايز عشاك و سابه ومشي .. فنزل على سيدنا إبراهيم الوحي قال له : 80 عام أطعمه ع كفره عام أطعمه ع كفره .. انت مالك انت؟ .. هتحط له شروط؟ .. عام أطعمه ع كفره .. طلع سيدنا إبراهيم يجري وراه تعالى ياعم الشيخ تعالى ياعم الشيخ .. قاله : إيه في إيه عايز إيه ؟ هتقولي بقى شروط .. قاله : لا تعالى ياعم كُلْ أكلك جاهز و عشاك جاهز زي ماانت عايز .. قاله انت غيرت رأيك ليه ؟ .. قال له : عاتبني فيك ربي حصل كذا كذا كذا.. قاله : لا والله ربك ده كويس وانا أؤمن أن لا إله إلا هو ..معروفة هذه القصة عن سيدنا إبراهيم .
مقتطفة من حديث لعبد اللـه // صلاح الدين القوصى