الشهر: أبريل 2021

مجلس الصلاة و السلام على رسول الله صلى الله عليه و سلم – مجلس سيدنا الحسين رضى الله عنه –

بإذن اللـه على إذاعة حب النبي صلي الله عليه وسلم الليلة مجلس الصلاة على رسول اللـه صلى اللـه عليه وسلم
بعد أذان عشاء القاهرة ، سنقرأ الثلاث حضرات الأول ثم سنبدأ الرابعة من أولها حتى صفحة 75 ” صلاة حراء “

الموقع :

www.alabd.com

رقم الملف على الموقع : H1

للمتابعة عبر الانترنت الدخول على إذاعة ” حب النبى ” :

attention.fm

إنك تدخل الجنة بسلام دي مش قضية

انك تدخل الجنة بسلام دي مش قضية .. لأنك انت لو بصيت على اللى داخل الجنة .. داخل الجنة بمزاجه .. برده عايز يأكل ويشرب ويتفسح .. دماغه على أدُّه .. برده محبوس في نفْسُه لأن النفْس تشتهي ايه ؟ .. شهوات الدنيا ؟ .. ربنا جبهالك في الآخر وحطهالك .. ورغما عن ذلك ربنا راضي عنهم ومبسوط منهم .. أهل الجنة ..

بس في ناس أعلى ” رجالٌ يحبهم ويحبونه ” .. رجال لا يدخلون الجنة الا بالسلاسل .. ” دول أهل الله , الله , وخصوصية أهل الله , وأهل رسول الله ” .. دول حاجة تانية .. دول اللى إحنا بندعوا إليهم .

مقتطفة من حديث لعبد اللـه // صلاح الدين القوصي

www.alabd.com

www.attention.fm

أنت .. و حَقِّ اللـهِ .. الجنَّةُ.. .:. مَنْ يَـعْـرِفْك .. و قَـشَـعَ الـغُـمَّة

صَــلِّ عـلى مـولاك و ســلِّــم

نـور هـُـداه .. و دينُ الفِطْـرَة

صَلِّ ..و أكثِرْ فى الصلواتِ..

فـإن صلاتـَــك خـيــرُ مَـبَــرَّة

و اقـصِــدْ وجهَ اللــهِ تعـالـى

و انـزِلْ عـنـد نـَبـىِّ الرحْـمَـة

فَـعَــسَــى ربِّى أن يـقــبَــلــنا

مِنْ رحماتِ اللــهِ .. بـقطـرة

فيها النورُ .. و كلُّ الخـيـر ..

و ربِّى أَتـْـمَـمَ فـيـك الـنِـعْـمَة

كـــلُّ صــلاةِ اللــــهِ عـلــيــك

و كــلُّ سـلامٍ .. فـوق الـجـنَّة

أنت .. و حَقِّ اللـهِ .. الجنَّةُ..

مَنْ يَعْـرِفْك .. و قَـشَعَ الغُمَّة

سـوف يـــراك !! و يعـلـمُ أنَّ

اللـهَ ..الواحدَ .. ربُّ الـقُـدْرِة

و هـو .. تـوحَّــدَ فى الـعليـاءِ

و قال:”محمدُنا” هو رحمة..

صـلَّـى الـلــه عـليـك و سـلَّـم

يــا نـــوراً .. مـــولاى أَتـَــمَّه

مقتطفة من قصيدة “صلاة الفيل” – غلاف ديوان “الفريق” – من شعر عبد اللـه // صلاح الدين القوصى

www.alabd.com

www.attention.fm

أُحِبُّكَ سَـيِّـدى.. عبدًا شكورًا .:. و حُبُّ”محمدٍ”.. نعْتى.. وَوَصفى

بِإِسْمِكَ سَيِّدِى.. أَمْنِى وَخَوْفِى

و إسْمُكَ سَيِّدِى الأَعْلَى لِوَصْفِ

و جـَلَّ اللَّـهُ.. مهمـا قيـل عـنـه

فـلا أبــدًا يُحـاط بـــأى طـــرْفِ

و لا عــقـل يُـحـيـط بـه كمـالاً

و لا لـُغــةٌ تشـيــر لَـهُ بــحَــرْفِ

أُحِبُّكَ سَـيِّـدى .. عبدًا شكورًا

و حُبُّ”محمدٍ”.. نعْتى.. وَوَصفى

فيا فردًا.. تـقـدَّس فـى عُلاه ..

بحجبِ النــورِ.. صفًّـا بعد صفِّ

رَجَوْتـُـك سَيِّـدى .. منكمْ صلاةً

تكون..بغيـر منطــوقٍ و حَـرْفِ!!

تـُديـرُ الكونَ بـالأنـوار .. حَتــَّى

ظلام الكفر..تـُفنـيهِ .. وتُخفى

و تَسْرى..بالهدايةِ..فى البرايا

وفى”الدجال”..لىِ دِرْعى..وسيفى

و تَبقى..فى القيامة لى.. شفيعًا

لكـل المؤمنينَ .. كخير وقــفِ!!

إلى”المختارِ”..نورِ اللَّـه فـيـنا

وفى الأكوانِ..ما دامت بلطـفِ..

يقول:قَبلْتُهَا.. مِنْ فَضْلِ ربى..

فبشراكم..رِضاى..وكلُّ عَطْفِى

مقتطفة من قصيدة ” أوحد (4)” – ديوان ” الرقيق (15) “

مقتطفة من ديوان ” فى حب أشرف البرية ( مقتطفات من الصلوات القدسية القوصية ) ” – شعر عبد اللـه / / صلاح الدين القوصى

www.alabd.com

www.attention.fm

سُــنَّة رسول اللَّه صـلى اللَّه عليه وسـلم

سُــنَّة رسول اللَّه صـلى اللَّه عليه وسـلم هى أقوال وأفعـال ثـم أحـوال، والأحوال هـى أدب رســول     اللَّــــه صلى اللَّه عليه وسلم الباطن من مراقبة اللَّه تعالى بقلبه وروحه، وسلامة النفس من أمراضهاالمعروفة كالبخل والشُّحّ والحسد والكبر وما شابهها، واتصافها بالصفات المحمودة كالرحمة والعفو والرضا والتسليم للَّه تعالى وصِدق التـوكـل عــلــيه ومــاشــابه هذه الصفات والتى قال عنها رسـول اللَّه صلى اللَّه عليه وسلم ” أدَّبنى ربى فأحسن تأديبى ” وخاطبه مولاه بقوله “وإنَّك لعلى خلق عظيم” صلى اللَّه عليه وعلى آله وصحبه وسلم.

فمن ادَّعى التمسُّــك بسنة رسول اللَّه صلى اللَّه عليه وسلم دون أحواله الباطنة ودون تنقية نفسه من هذه الشوائب وإلزامها بالصفات المحمودة، فما تمسَّك بالسـنَّة حقا، وماله من ادعائه من حقٍّ إلا على قدره وحسابه على اللَّه.

ما لك من سبيل للإتصاف ببعض أحوال رسـول اللَّه صلى اللَّه عليه وسلم على قدرك وعلى قدر سعـــة نفسك وروحك، إلا بقرب روحك من روحه، وفهم وتذوق هذه  الأحوال والصفات، فالقراءة والعلم بها دون تدريب نفسك عليها لا يجديان نفعا، أما كان إبليس عالمًا بالله تعالى وقدرته وسـطـوتــه ؟ ولم ينفعه علمُه!!، فإن جوهر الأمر هو سُـقـيا النفس والروح بهذه الصفات، وهذا الأمر ليس بالعلم وحده ولكن بالتقاء الأرواح وتآلفها فإنها تسقى بعضها بعضاً وتؤثر بعضها فى البعض، ألم يقل رسول اللَّه صلى اللَّه عليه وسلم “المرء على دين خليله فانظر من تخالل”؟؟ وضرب مثلا لتأثير النفوس والأرواح بعضــهــا فى البعــض بجليس السوء وجــلــيــس الخـــير وشبههما صلى اللَّه عليه وسلم بنافخ الكير وبائع المسك!! وهذا هو سرّ قوة إيمان صحابة رسول اللَّه صلى اللَّه عليه وسلم وفضلهم على سائر القرون .. فقد كانوا ينهلون من روح الرسـول صـلى اللَّه عليه وسلم مــباشـــرة بقربهم المادىّ والمـعـنـوىّ وتـنـتـقــــل بعض أحواله صلى اللَّه عليه وسلم  إليهم كلٌّ على قدر نفسه وروحه .. فصار إيمانهم كالجبال الرواسى ببركته صلى اللَّه عليه وسلم وبقوة إيمانهم التى اكتسبوها منه مباشرة منذ بداية بعثته وقبل أن تتم دعوته بل وقبل هجرته أيضا وقبل أن تتم الرسالة وما فيها من أوامر ونواهٍ.

مقتطفة من كتاب “مقدمة أصول الوصول” – لعبد اللـه // صلاح الدين القوصى

http://www.alabd.com/

www.attention.fm

مجلس الصلاة و السلام على رسول الله صلى الله عليه و سلم – مجلس السيدة نفيسة رضى الله عنها –

بإذن اللـه على إذاعة حب النبي صلي الله عليه وسلم الليلة مجلس الصلاة على رسول اللـه صلى اللـه عليه وسلم
بعد أذان عشاء القاهرة ، سنقرأ الثلاث حضرات الأول ثم سنبدأ الرابعة من صفحة ٢٠٠ حتى آخر أحب محمدا

الموقع :

www.alabd.com

رقم الملف على الموقع : H7

للمتابعة عبر الانترنت الدخول على إذاعة ” حب النبى ” :

attention.fm

أنتَ لى مولاى .. رُوحى .. .:. بل.. و أقْسِمُ .. كلَّ عمرى

يــا رسـولَ اللـَّــه .. مِـنِّى

كـلَّ تـحـنـانـى .. و بــِرِّى

و الـصـلاةُ عـلـيــك مـــن

أنـوارِ قــُــدوسٍ و طـُـهْــرِ

يــا رسـولَ اللَّــه .. أنــت

الروحُ عندى.. فِىَّ تَسْرى

أنت عندى.. فى فــؤادى

مـثـل ماء الرِّى.. يـجرى

بل وأقسِمُ.. فى ضلوعى

و العظامِ.. وتحت ظُفْرى

أنتَ لى مولاى..رُوحى..

بل..و أقْسِمُ.. كلَّ عمرى

بل..ومنذ”ألستُ”..أنت

لِىَ الحبيبُ..وأصلُ طُهْرى

مقتطفة من قصيدة ” يا رسول الله(8) ” –
ديوان ” الرقيق (15) “


مقتطفة من ديوان ” فى حب أشرف البرية ( مقتطفات من الصلوات القدسية القوصية ) ” – شعر عبد اللـه / / صلاح الدين القوصى

www.alabd.com

www.attention.fm

“عبدت ربنا ولا معبدتش؟”

الله سبحانه وتعالى بيقول: ( وَمَا خَلَقْتُ الْجِنَّ وَالإنْسَ إِلا لِيَعْبُدُونِ ) يبقى اي حاجه تشغلك عن ربنا أعمل حسابك انه إبليس والشيطان..

مش عايز فلسفة، اتفلسف زي ماانت عايز (وَكَانَ الْإِنسَانُ أَكْثَرَ شَيْءٍ جَدَلًا)، إنما عند ربنا يوم القيامة هيسألك هذا السؤال .. هيقولك ما خلقتك إلا لتعبدني وانا تكفلت لك بالرزق و تكفلت لك بكل حاجه ولما يحين أجلك هموتك ومش هموتك بمرض هموتك لأن أنفاسك أنتهت، ورزقك أنتهى ، و درجتك أنتهت .. المرض سبب زيه زي غيره

أول سؤال هتُسأل عنه يوم القيامة ولما تطلع روحك “عبدت ربنا ولا معبدتش؟” . أولا ربنا وبعدين دبر حياتك من خلال ربنا سبحانه وتعالى، من خلال رضاه ، من خلال أوامره ، من خلال شرعه

الأولوية لمين؟ لله سبحانه وتعالى مافيهاش كلام .. إللى مخه هيودي ويجيب ويقول لي أصل مش عارف مين قال والحديث بيقول ولا الشيخ بيقول..أنا بقولكم وانتم مسئولين عن الكلام اللى أنا بقوله  وقد بلغت فاللهم اشهد .. أولا ربنا سبحانه وتعالى إجعل كل عملك وكل تصرفاتك وكل همك وكل أملك وكل شغلك بالله سبحانه وتعالى أولا ومن خلال ربنا اسعى في حياتك واعمل اللى انت عاوزه، من خلال رضا ربنا، من خلال شرع ربنا و من خلال أوامر ربنا ومن خلال نوايا ربنا غير كدا ميضحكش عليك الشيطان يبقى مدخل من مداخل إبليس .. ماشي؟

الرزاق هو الله ، والشافي هو الله ، والمعين هو الله ، والقوي هو الله ، والفعال لما يريد هو الله ، و القاهر فوق عباده هو الله ، والعدل هو الله ، والحق هو الله ,, يبقى إبليس ميضحكش علينا.

مقتطف من حديث “التوحيد وآداب السلوك” – لعبد اللـه // صلاح الدين القوصى

www.alabd.com

www.attention.fm

الناس بتخاف ان إحنا نقول إن سيدنا رسول الله بركة .. يا سبحان الله !!

الناس بتخاف ان إحنا نقول إن سيدنا رسول الله بركة .. يا سبحان الله !! .. بقى عيب , بقى عيب .. إللى يقول إن سيدنا رسول الله فى بركة يبقى كفر بالله و أشرك .. سبحان الله !! .. شوفوا بقى القرآن بيقول ايه ؟ ( و جعلنى مباركا أينما كنت ) ده ربنا اللى بيتكلم عن سيدنا عيسى بيقول : و جعلنى مباركا !! يعنى سيدنا عيسى مبارك هو بس سيدنا محمد اللى طالعلهم فى الزور ؟!!

طب إنت فى الصلاة بتقول إيه كل يوم ؟ اللهم أيه ؟ , صلى ، و إيه تانى ؟ و سلم , و إيه تانى ؟ كما صليت على سيدنا محمد و آل سيدنا محمد , و إيه تانى ؟ كما صليت على سيدنا إبراهيم و على آل سيدنا إبراهيم , و إيه تانى ؟ و بارك .. و بارك ؟!! يعنى كل المسلمين بيقولوا لربنا بارك على سيدنا محمد .. و مش عايزين سيدنا محمد يبقى بركة ؟!! .. من يوم البعث .. شئ عجيب جميع الأولياء و الكبار و الصغيرين بيقولوا اللهم صلى و سلم و بارك على سيدنا محمد و على أل سيدنا محمد .. ما يجعلش فيه بركة ؟!!

هو ربنا مش عايز دعواتكم .. هو ربنا بارك فيه صلى الله عليه و سلم و فى آثاره ,و فى كلامه , و فى نسله ..

إنا أعطيناك الكوثر محدش أخد الكوثر إلا سيدنا رسول الله .. الوسيلة و الدرجة العالية الرفيعة ماخدهاش غير مين ؟ سيدنا رسول الله , لواء المحامد يوم القيامة مايرفعوش إلا مين ؟ سيدنا رسول الله .. و رفعنا لك ذكرك .. مين اللى رفع له ذكره ؟ ربنا سبحانه و تعالى .. و إنت كمان , و كمان إنت !! جميع المسلمين يقولوا اللهم صلى و بارك على سيدنا محمد و مش عايز يبقى فيه بركة ؟!! فى آثر سيدنا محمد و فى كل ماترك سيدنا محمد ؟!!

مقتطفة من حديث لعبد اللـه // صلاح الدين القوصى

www.alabd.com

www.attention.fm