حب سيدنا النبي
“انك تعمل زيه مش اتباع لمنهج واوامر تنفذها . انما انك تحب تعمل اللي هو كان بيعمله . هو كان بيحب ربنا يا ترى انت بتحب ربنا . هو كان بيحب المؤمنين كان كريما سخيا فيا ترى انت بتحب المؤمنين زيه . اخلاقك زي اخلاقه . اللي بيحب رسول الله يذوب في روحه. فيصبح ما يفعله رسول الله يسرى في دمه ويسرى في روحه محبة في رسول الله والتأسي به . من هنا كان فرض محبة سيدنا رسول الله صلى الله عليه وسلم
تقرب من سيدنا النبي فتاخد من روحه . مش عملية انك تعمل زيه .. انما انك تحب اللي هو كان بيحبه وبيعمله .
مفهوم الحب هنا مش المفهوم البلدي بتاعنا انك تحب حاجة مش عايزيها تغيب عن عنيك . تحب حاجة عايز تمتلكها ..
مفهوم الحب هنا هو التجانس والتماثل والدوبان والفناء ….
فناء ايه ؟؟
عينك !! ذاتك !!
لا
فناء صفاتك السيئة التي من النفس ..
فصفاتك السيئة من عالم الملك والنفس . اما امورك النورانية من عالم الروح ..
فالحب .. الفناء في صفات من تحب . من يدعى محبة من غير هذه الكيفية يبقي بيلعب .. “
مقتطفة من حديث لعبداللـه// صلاح الدين القوصي رضى الله عنه وارضاه
عنوان الحديث : (كيف تتحقق المحبة لرسول اللـه)